UGenesisi 10 - iBhayibhili Elingcwele 1978

Inzalo yamadodana kaNowa

¹ Lezi yizizukulwana zamadodana kaNowa, oShemu loHamu loJafethi. Bazala amadodana emva kukazamcolo.

² Amadodana kaJafethi ayengoGomeri loMagogi loMadayi loJavani loTubali loMesheki loTirasi.

³ Amadodana kaGomeri ayengoAshikenazi loRifathi loTogarma.

⁴ Amadodana kaJavani ayengoElisha loTarshishi loKuprosi loRodanimi.

⁵ Kwavela kubo abantu abahlala ngasolwandle. Babengabantwana bakaJafethi; kwaba yilabo lalabo ngolimi lwabo langosendo lwabo langezizwe zabo.

⁶ Amadodana kaHamu ayengoKushi loMizirayimi loPuti loKanani.

⁷ Amadodana kaKushi ayengoSeba loHavila loSabitha loRama loSabitheka; amadodana kaRama ayengoSheba loDedani.

⁸ UKushi wazala uNimrodi owaba liqhawe lokuqala emhlabeni.

⁹ Waba ngumzingeli olamandla emehlweni eNkosi; ngakho kutshiwo ukuthi: Umzingeli olamandla njengoNimrodi emehlweni eNkosi.

¹⁰ Umbuso wakhe waqala eBabeli laseEreki laseAkadi laseKaline elizweni laseShinari.

¹¹ Waphuma kulelolizwe waya eAsiriya, wakha iNinive leRehobothi leKala,

¹² leReseni phakathi kweNinive leKala; lo ngumuzi omkhulu.

¹³ UMizirayimi wazala amaLudi lamaAnami lamaLehabi lamaNafetuhi

¹⁴ lamaPatrusi lamaKaseluhi lamaKafitori lapho kwavela khona amaFilistiya.

¹⁵ UKanani wazala uSidoni olizibulo lakhe, loHethi,

¹⁶ lamaJebusi lamaAmori lamaGirigashi

¹⁷ lamaHivi lamaArki lamaSini

¹⁸ lamaArvadi lamaZemari lamaHamathi; ngasemuva kwalokho usendo lwamaKanani lwahlakazeka.

¹⁹ Umkhawulo wamaKanani wasukela eSidoni waya ngaseGerari waze wafika eGaza, waya ngaseSodoma laseGomora laseAdima laseZeboyimi waze wafika eLasha.

²⁰ Labo bangamadodana kaHamu ngosendo lwabo langendimi zabo langamazwe abo langezizwe zabo.

²¹ UShemu ukhokho wabantwana bonke bakaEberi, umnewabo kaJafethi, laye wazala abantwana.

²² Amadodana kaShemu ayengoElamu loAshuri loArpakishadi loLudi loAramu.

²³ Amadodana kaAramu ayengoUzi loHuli loGetheri loMashi.

²⁴ UArpakishadi wazala uShela; uShela wazala uEberi.

²⁵ UEberi wazala amadodana amabili, ibizo lenye linguPelegi, ngoba ensukwini zayo abantu basemhlabeni behlukana; ibizo lomfowabo lalinguJokithani.

²⁶ UJokithani wazala uAlimodadi loShelefi loHazamavethi loJera,

²⁷ loHadoramu loUzali loDikila

²⁸ loObali loAbimayeli loSheba

²⁹ loOfiri loHavila loJobabi; bonke labo babengamadodana kaJokithani.

³⁰ Ilizwe labo lalisukela eMesha laze lafika eSefari, intaba yasempumalanga.

³¹ Labo babengamadodana kaShemu ngosendo lwabo langendimi zabo langamazwe abo langezizwe zabo.

³² Lolu lusendo lwamadodana kaNowa ngezizukulwana zawo langezizwe zawo; emva kukazamcolo kwavela kuwo izizwe ezehlukeneyo emhlabeni.