Izaga 9 - iBhayibhili Elingcwele 1978

Ukuhlakanipha lobuthutha

¹ Ukuhlakanipha kwakhile indlu yakho, kwenza insika zakho eziyisikhombisa;

² kwahlaba inkomo zakho, kwavubela iwayini lakho, futhi kwalungisa itafula yakho.

³ Kuthumile incekukazi zakho ukuba zimemeze endaweni eziphakemeyo zomuzi zithi:

⁴ Abangelalwazi kabangene lapha. Kwabangaqedisisiyo uthi:

⁵ Wozani, lidle lami, linathe iwayini engilivubeleyo;

⁶ yekelani ubuthutha liphile, lihambe ngendlela yokuqedisisa.

⁷ Osola isideleli uzikhokhela inhlamba, lokhuza umuntu omubi uzasoleka.

⁸ Ungasoli isideleli, funa sikuzonde; sola ohlakaniphileyo, uzakukuthanda.

⁹ Fundisa ohlakaniphileyo, kwande ukuhlakanipha kwakhe; fundisa olungileyo, kuqhubeke ukufunda kwakhe.

¹⁰ Ukuyesaba iNkosi kuyikuqala kokuhlakanipha, lokumazi oNgcwele kuyikuqedisisa;

¹¹ ngoba ngami insuku zakho zizakwandiswa, leminyaka eminengi yengezelelwe kuwe.

¹² Uba uhlakaniphile, nguwe ozasizakala; uba udelela, nguwe ozahlupheka.

¹³ Ubuthutha bungobowesifazana obanga umsindo, kalangqondo, kananzi lutho.

¹⁴ Uhlala ngasemnyango wendlu yakhe, esihlalweni endaweni eziphakemeyo zomuzi,

¹⁵ ukuba ameme abadlulayo, labo abadlula ngendlela, ngokuthi:

¹⁶ Abangelalwazi kabangene lapha. Kwabangaqedisisiyo uthi:

¹⁷ Amanzi okubiwa amnandi, lesinkwa esidlelwa ensitha siyahlabusa.

¹⁸ Kodwa kazi ukuthi ukufa kulapho, lokuthi abamenyiweyo basenzikini yendawo yabafileyo.