Ingoma 1 - iBhayibhili Elingcwele 1978

¹ Ingoma kaSolomoni enhle kulazo zonke.

Umlobokazi:

² Kangange ngomlomo wakhe! Uthando lwakho lungcono kulewayini.

³ Iphunga lamagcobo akho limnandi, lebizo lakho lihle njengamagcobo amnandi; ngakhoke izintombi ziyakuthanda.

⁴ Ngidonsa, sigijime; ungingenise endlini yakho, nkosi. Sizekujabula sithokoze ngawe, sibabaze uthando lwakho ukwedlula iwayini; kufanele ukuba uthandwe.

Abakhaphi: Umlobokazi:

⁵ Ngimnyama, kodwa ngimuhle, lina madodakazi aseJerusalema, njengamathente aseKedari lamaveli aseShalima.

⁶ Lingangibukeli ngoba ngimnyama, ngoba lilanga elingitshisileyo. Abanewethu bangizondela, bangenza umlindi wezivini; kodwa isivini sami kangisilindanga.

⁷ Akungitshele, wena engikuthandayo, ukuba welusela ngaphi, lokuba uwuphumuza ngaphi umhlambi wakho emini; ukuze ngingabi njengozulayo emihlambini yabanakwenu.

Umyeni:

⁸ Uba ungazi, wena omuhle kakhulu phakathi kwabesifazana, landela umzila womhlambi, walusele amazinyane akho phansi kwamathente abelusi.

⁹ Ngikufanisa lebhiza elihle elidonsa inqola kaFaro, wena sithandwa sami.

¹⁰ Izihlathi zakho zinhle phakathi kwezigqizo, lentamo yakho yinhle ngamangqongqo ayo.

Abakhapi:

¹¹ Sizakwenzela izigqizo zegolide ezibalazwe ngesiliva.

Umlobokazi:

¹² Inkosi isacambalele embhedeni wayo amakha ami akhupha iphunga lawo.

¹³ Isithandwa sami kimi sinjengesamba semure siqamele esifubeni sami.

¹⁴ Isithandwa sami sinjengehlukuzo lempoko zesihlahla sehena kimi esisezivinini zaseEngedi.

Umyeni:

¹⁵ Khangela, umuhle wena, sithandwa sami, yebo, umuhle kangaka, amehlo akho anjengamajuba.

Umlobokazi:

¹⁶ Khangela, umuhle wena, sithandwa sami, impela uyabukeka. Utshani obuluhlaza bulicansi lethu.

¹⁷ lemikusu izinsika zendlu yethu, lamaphane azithungo zayo.