AmaHubo 99 - iBhayibhili Elingcwele 1978

INkosi iyabusa

¹ INkosi iyabusa; abantu bayathuthumela. Ihlezi esihlalweni sobukhosi ngaphezu kwamakherubi; umhlaba uyazamazama.

² INkosi yinkulu eZiyone; iphakeme phezu kwezizwe zonke.

³ Kazidumise ibizo lakho elikhulu lelesabekayo zithi: Ingcwele yona!

⁴ Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

⁵ Dumisani iNkosi uNkulunkulu wethu, likhonze phambi kwayo. Ingcwele yona!

⁶ UMose loAroni babephakathi kwabapristi bayo, loSamuweli laye wayephakathi kwabakhuleka ebizweni layo. Bakhuleka eNkosini, yabaphendula.

⁷ Yakhuluma labo iphakathi kweyezi; bagcina imithetho yayo lezimiso eyabanika zona.

⁸ Nkosi Nkulunkulu wethu, wena wabaphendula; waba nguNkulunkulu othethelelayo kibo, lomphindiseli wezenzo zabo ezimbi.

⁹ Dumisani iNkosi uNkulunkulu wethu, likhonze entabeni yayo engcwele; ngoba iNkosi uNkulunkulu wethu ingcwele.