AmaHubo 98 - iBhayibhili Elingcwele 1978

UNkulunkulu umahluleli womhlaba

¹ Hlabelani iNkosi ihubo elitsha, ngoba yenzile izinto ezimangalisayo. Isandla sayo sokunene lengalo yayo engcwele kuyizuzele ukunqoba.

² INkosi ikuvezile ukunqoba kwayo, ikubekile obala ukulunga kwayo phambi kwezizwe.

³ Ikhumbule uthando lwayo olungapheliyo lobuqotho bayo kuyo indlu kaIsrayeli. Abantu bomhlaba wonke bakubonile ukunqoba kukaNkulunkulu.

⁴ Hlokomani ngokuthokoza eNkosini, mhlaba wonke, lihlabele ngokuthokoza, lidumise.

⁵ Dumisani iNkosi ngechacho, ngechacho langehubo elimnandi.

⁶ Ngophondo langokukhala komhlanga hlokomani ngokuthokoza phambi kweNkosi uNkulunkulu.

⁷ Kaluholobe ulwandle lakho konke okukulo, umhlaba labo bonke abakhileyo kuwo.

⁸ Imifula kayiqakeze izandla zayo, lezintaba zihlabele ngokuthokoza

⁹ phambi kweNkosi, ngoba iyeza ukwahlulela umhlaba; izakuwahlulela umhlaba ngokulunga, lezizwe ngobuqotho.