AmaHubo 95 - iBhayibhili Elingcwele 1978

Ukudumisa iNkosi

¹ Wozani, siyihubele iNkosi, sihlabele ngokuthokoza kulo idwala lokukhululwa kwethu.

² Kasize phambi kwayo ngokubonga, sihlabele kuyo amahubo.

³ Ngoba iNkosi inguNkulunkulu omkhulu, iyiNkosi enkulu phezu kwabonkulunkulu bonke.

⁴ Ngoba indawo zomhlaba ezizikileyo zisesandleni sayo, lezingqonga zezintaba zingezayo lazo.

⁵ Ulwandle ngolwayo, ngoba yalwenza, lezandla zayo zabumba umhlabathi owomileyo.

⁶ Wozani, sikhonze sikhothame, siguqe phambi kweNkosi, uMenzi wethu.

⁷ Ngoba yona inguNkulunkulu wethu, thina singabantu ebondlayo, lezimvu ezalusayo. Lamuhla lalelani ilizwi layo, lisithi:

⁸ Lingazenzi zibe lukhuni inhliziyo zenu njengaseMeriba, njengasosukwini lwaseMasa enkangala,

⁹ mhla okhokho benu bangilinga bengihlola, loba babeyibonile imisebenzi yami.

¹⁰ Iminyaka engamatshumi amane nganengwa yilesosizukulwana ngaze ngathi: Bangabantu abalenhliziyo eziduhayo, abangananziyo indlela zami.

¹¹ Ngakhoke ngafunga ekuthukutheleni kwami, ngathi kabayikungena elizweni lapho ebengingabanika khona ukuphumula.