AmaHubo 93 - iBhayibhili Elingcwele 1978

Ubukhosi beNkosi

¹ INkosi iyabusa; yambethe ubukhosi; iNkosi izambese ngamandla. Yebo, umhlaba umi uqinile, kawuyikunyikinywa.

² Isihlalo sakho sobukhosi samiswa endulo; wena wawukhona kusukela nininini.

³ Imifula iphakamisile, Nkosi, imifula iphakamisile ukuholoba kwayo, imifula iphakamisile ukuduma kwayo,

⁴ INkosi iphakeme ilamandla, ilamandla kulokuduma kwamanzi amanengi, lamavinqo olwandle.

⁵ Izimiso zakho ziqinisekile; ubungcwele buyifanele indlu yakho, Nkosi, kuze kube nini lanini.