AmaHubo 88 - iBhayibhili Elingcwele 1978

Ukukhala kohluphekayo

¹ Nkosi Nkulunkulu wami, ngiyacela emini ukusizwa; ngiyakhala kuwe ebusuku.

² Umkhuleko wami kawufinyelele phambi kwakho, uzwe ukukhala kwami.

³ Ngoba umphefumulo wami ugcwele ukuhlupheka, lokuphila kwami kusondele endaweni yabafileyo.

⁴ Ngibalelwa kulabo abafayo; ngingumuntu obuthakathaka,

⁵ ngilahlelwe phakathi kwabafileyo, nginjengababuleweyo abalele emalibeni ongasabakhumbuliyo wena, ngoba besusiwe esandleni sakho.

⁶ Ungifakile enzikini yomgodi, ezindaweni zomnyama ezitshonayo.

⁷ Kuyangisinda kakhulu ukuthukuthela kwakho, lamavinqo akho wonke ayangibandezela phansi.

⁸ Wenze abanakwethu bangidele; wangenza ngaba yinto eyesabekayo kubo; ngivalelwa ukuba ngingaphumi,

⁹ amehlo ami ayafiphala ngenxa yosizi. Ngiyakhuleka kuwe insuku zonke, Nkosi, ngizelulele izandla zami kuwe.

¹⁰ Abafileyo uyabenzela izimangaliso na? Izithunzi ziyavuka yini zikudumise na?

¹¹ Uthando lwakho olungapheliyo luyatshunyayelwa yini elibeni, lobuqotho bakho endaweni yabafileyo na?

¹² Izimangaliso zakho ziyaziwa yini emnyameni, lokulunga kwakho elizweni lokukhohlwa na?

¹³ Kodwa mina, Nkosi, ngiyakhala kuwe, ekuseni umkhuleko wami uyafinyelela phambi kwakho.

¹⁴ Nkosi, ungilahleleni, ubufihleleni ubuso bakho kimi na?

¹⁵ Ngihluphekile ngaba seduze lokufa kusukela ebutsheni bami, ngethukile kakhulu, sengiphele amandla.

¹⁶ Ulaka lwakho ludlulile phezu kwami, okwesabekayo kwakho kungiqedile.

¹⁷ Kungizingelezile njengamanzi usuku lonke, kuyangambesa.

¹⁸ Wenze izihlobo labangane ukuba bangixwaye; umnyama ungumngane wami.