AmaHubo 8 - iBhayibhili Elingcwele 1978

Udumo IweNkosi lodumo womuntu

¹ Nkosi, Nkosi yethu, ibizo lakho lilodumo kangaka emhlabeni wonke! Wena, okudunyiswa ubukhosi bakho emazulwini

² ngemilomo yabamunyayo lezingane, umisile inqaba yakho ngenxa yezitha zakho, ukuze uthulise isitha lophindiseleyo.

³ Lapho ngikhangela amazulu akho, umsebenzi weminwe yakho, inyanga lenkanyezi owazimisayo,

⁴ uyini umuntu ukuba umkhumbule wena, lendodana yomuntu ukuba uyinanze na?

⁵ Kanti wamenza waba ngaphansi kukaNkulunkulu kancinyane, wamethwesa umqhele wobukhosi lodumo.

⁶ Wamenza waba ngumbusi wemisebenzi yezandla zakho, konke wakubeka ngaphansi kwenyawo zakhe,

⁷ izimvu lenkomo zonke, yebo lezinyamazana zeganga,

⁸ lezinyoni zasemoyeni, lezinhlanzi zasolwandle, lakho konke okuhamba ezindleleni zolwandle.

⁹ Nkosi, Nkosi yethu, ibizo lakho lilodumo kangaka emhlabeni wonke!