AmaHubo 76 - iBhayibhili Elingcwele 1978

UNkulunkulu onqobayo lowahlulelayo

¹ UNkulunkulu uyaziwa koJuda, lebizo lakhe likhulu koIsrayeli.

² Umisile ithente lakhe eSalema, lendlu yakhe eZiyone.

³ Lapho waphula imitshoko, lezihlangu, lemikhonto, lezikhali zempi.

⁴ Uyakhazimula, Nkosi, umkhulu ngobukhosi ukwedlula izintaba ezingelakuphela.

⁵ Baphangiwe abalesibindi, balele ubuthongo; wonke amadoda empi ahlulekile ukusebenzisa izandla zawo.

⁶ Ekubakhalimeni kwakho, Nkulunkulu kaJakobe, ibhiza kanye lomkhweli walo kwawela phansi, kwaqaleka.

⁷ Wena, yebo wena, uyesabeka. Ngubani ongema phambi kwakho lapho usuthukuthela na?

⁸ Wahlulela usezulwini; umhlaba wesaba wathula,

⁹ mhla uNkulunkulu evuka ukuba amise ukwahlulela, akhulule bonke abacindezelweyo emhlabeni.

¹⁰ Ulaka lwabantu luzakwandisa udumo lwakho; uzalugqoka.

¹¹ Yenzani izifungo zenu eNkosini uNkulunkulu wenu, libuye lizigcwalise. Bonke abamphahlileyo kabalethe izipho kuye owesabekayo,

¹² yena othobayo ukuzigqaja kwezikhulu, owesabekayo emakhosini omhlaba.