AmaHubo 75 - iBhayibhili Elingcwele 1978

UNkulunkulu ungumahluleli

¹ Siyakubonga, Nkulunkulu, siyakubonga; sikhuleka ebizweni lakho, silandise imisebenzi yakho emangalisayo.

² Esikhathini esifaneleyo engizakusimisa ngizakwahlulela ngokulunga.

³ Lapho umhlaba unyikinyeka labo bonke abakhileyo kuwo, yimi engiqinisa insika zawo.

⁴ Ngithi kwabazincomayo: Lingazincomi. Lakwababi ngithi: Lingaphongeli;

⁵ lingaphongeli, lizikhukhumeze.

⁶ Ukuphakanyiswa kakuveli empumalanga lasentshonalanga lasenyakatho laseningizimu;

⁷ kodwa uNkulunkulu nguye owahlulelayo, uyehlisa omunye, aphakamise omunye.

⁸ Ngoba esandleni seNkosi kukhona imbiza egcwele iwayini eliphuphumayo lelihlukuziweyo; yona izakulithunga, lababi bonke bomhlaba banathe izibhidi zalo.

⁹ Kodwa mina ngizathokoza njalonjalo, ngidumise uNkulunkulu kaJakobe.

¹⁰ Zonke impondo zababi uzaziquma, kodwa impondo zabalungileyo zizaphakanyiswa.