AmaHubo 62 - iBhayibhili Elingcwele 1978

Thembani kuNkulunkulu

¹ Umphefumulo wami uyamlindela uNkulunkulu ngokuthula; ukukhululwa kwami kuvela kuye.

² Nguye kuphela olidwala lami, lomkhululi wami, lenqaba yami; kangiyikunyikinywa.

³ Koze kube nini limsukela umuntu ukuba limchithe lina lonke, onjengomduli otshekileyo, lothango oludilikayo na?

⁴ Baceba kuphela amacebo okumwisa ekuphakameni kwakhe, bathanda amanga; bayabusisa ngemilomo yabo, kodwa ngaphakathi bayathuka.

⁵ Umphefumulo wami uyamlindela uNkulunkulu ngokuthula; ithemba lami likuye.

⁶ Nguye kuphela olidwala lami, lomkhululi wami, lenqaba yami; kangiyikunyikinywa.

⁷ Ukukhululwa kwami lodumo lwami kukuNkulunkulu; idwala lami eliqinileyo lesiphephelo sami kunguNkulunkulu.

⁸ Thembani kuye izikhathi zonke lina bantu, lithulule inhliziyo zenu phambi kwakhe; uNkulunkulu uyisiphephelo sethu.

⁹ Abantukazana bangumoya nje, lezikhulu ziyinkohliso; lapho belinganiswa bafunyaniswa belula; loba bebonke balula kulomoya.

¹⁰ Lingakuthembi ukuqilibezela, lingamisi ithemba ekuphangeni; uba inotho isanda, lingabeki inhliziyo zenu kuyo.

¹¹ UNkulunkulu ukhulumile kwaba kanye, ngizwile kabili lokhu ukuthi amandla angakaNkulunkulu,

¹² lothando olungapheliyo lungolwakho, Nkosi; ngoba wena uyamphindisela umuntu njengokwenza kwakhe.