AmaHubo 6 - iBhayibhili Elingcwele 1978

Umkhuleko wokucela umusa ngesikhathi sokuhlupheka

¹ Nkosi, ungangikhuzi ngokuthukuthela kwakho, ungangitshayi ngolaka lwakho.

² Woba lomusa kimi, Nkosi, ngoba ngibuthakathaka. Nkosi, ngisilisa, ngoba amathambo ami ayaqaqamba;

³ lomphefumulo wami ukhathazekile kakhulu. Kodwa, wena Nkosi, uzakulibala kuze kube nini na?

⁴ Buya, Nkosi, silisa ukuphila kwami; ungisilise ngenxa yothando lwakho olungapheliyo.

⁵ Ngoba kakukho ukukukhumbula wena ekufeni; ngubani ongakubonga endaweni yabafileyo na?

⁶ Ngikhathele yikububula kwami; ngithambisa icansi lami njalo ebusuku ngokukhala, ngithambise umbheda ngezinyembezi zami.

⁷ Ilihlo lami liyafiphala ngenxa yosizi, liyanqundeka ngenxa yezitha zami zonke.

⁸ Sukani kimi, lina lonke elenza okubi, ngoba iNkosi izwile ilizwi lokukhala kwami.

⁹ INkosi izwile ukunxusa kwami; izakwamukela umkhuleko wami.

¹⁰ Zonke izitha zami zizakuyangeka, zitshaywe luvalo kakhulu; zizakuhlehla, ziyangeke ngesikhatshana.