AmaHubo 53 - iBhayibhili Elingcwele 1978

Ubuthutha lobubi babantu

¹ Isithutha sithi enhliziyweni yaso: KakulaNkulunkulu. Abantu bonakele, benza imisebenzi emibi; kakho lamunye owenza okuhle.

² UNkulunkulu uyabakhangela abantu esezulwini, ukuba abone ukuthi ukhona yini oqondileyo, ofuna uNkulunkulu.

³ Balahlekile bonke, bonke bonakele; kakho owenza okuhle, kakho loyedwa.

⁴ Kabalakwazi yini bonke abenza okubi abadla abantu bami njengokuba besidla isinkwa, bengakhuleki kuNkulunkulu na?

⁵ Nampo betshaywa luvalo olukhulu, uvalo olungazanga lube khona. Ngoba uNkulunkulu uzakuchitha amathambo abo abakuhlaselayo; bazakuchithwa ngoba uNkulunkulu ubalahlile.

⁶ Kungathi ukukhululwa kukaIsrayeli kungavela eZiyone! Lapho uNkulunkulu esebuyisa inhlanhla kubantu bakhe, uJakobe uzakuthaba, loIsrayeli athokoze.