AmaHubo 51 - iBhayibhili Elingcwele 1978

Umkhuleko wokucela ukuhlanjululwa esonweni

¹ Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

² Ungigezise ebubini bami, ungihlambulule esonweni sami.

³ Ngoba ngiyazazi iziphambeko zami, lezono zami zihlala ziphambi kwami.

⁴ Ngonile kuwe, wena wedwa, ngenza okubi emehlweni akho, ukuze kuthiwe ulungile ekukhulumeni kwakho, kawulacala ngokwahlulela kwakho.

⁵ Khangela, ngazalelwa ebubini, lomama wangomulela esonweni.

⁶ Khangela, uyathanda inhliziyo eleqiniso; ngakhoke gcwalisa inhliziyo yami ngokuhlakanipha.

⁷ Ngigezisa ngehisope, ngizakuhlambuluka; ngigezisa ngibe mhlophe kulongqoqwane.

⁸ Ngigcwalisa ngentokozo lokujabula, ukuze athabe amathambo owaphulileyo.

⁹ Fihla ubuso bakho ezonweni zami, wesule zonke izenzo zami ezimbi.

¹⁰ Nkulunkulu, dala kimi inhliziyo ehlambulukileyo, ufake kimi umoya omutsha loqotho.

¹¹ Ungangiduduli ebusweni bakho, ungangamuki umoya wakho ongcwele.

¹² Buyisela kimi intokozo yokusiza kwakho, ungisekele ngomoya ovumayo.

¹³ Ng’khona ngizakufundisa abaphambukayo indlela zakho, lezoni zizakuphendukela kuwe.

¹⁴ Ngikhulula ecaleni legazi, Nkulunkulu wokusizwa kwami, lolimi lwami luzakuhlabelela ngokulunga kwakho.

¹⁵ Nkulunkulu, vula indebe zami ukuze umlomo wami ukudumise.

¹⁶ Ngoba kawuthandi umhlatshelo; loba bengizakunika umnikelo wokutshiswa, ubungayikuthokoza ngawo.

¹⁷ Umnikelo owamukelekayo kuNkulunkulu ungumoya odabukileyo; inhliziyo edabukileyo lezisolayo, Nkulunkulu, kawuyideleli.

¹⁸ Yenzele iZiyone okuhle ngokuthanda kwakho; uyakhe imiduli yaseJerusalema.

¹⁹ Ng’khona uzakujabulela iminikelo efaneleyo, leminikelo yokutshiswa; njalo kuzakunikelwa ngezinkunzi phezu kwealtare lakho.