AmaHubo 47 - iBhayibhili Elingcwele 1978

UNkulunkulu uyinkosi yomhlaba wonke

¹ Qakezani izandla zenu, lina zizwe zonke; hlokomani kuNkulunkulu ngamahubo okuthokoza.

² Ngoba iNkosi ePhezukonke iyesabeka, iyinkosi enkulu phezu komhlaba wonke.

³ Yabehlisela abantu ngaphansi kwethu, lezizwe yazibeka ngaphansi kwenyawo zethu.

⁴ Yasikhethela ilizwe lethu, udumo lukaJakobe emthandayo.

⁵ UNkulunkulu wenyukile ngokuhlokoma, iNkosi yenyukile ngokukhala kophondo.

⁶ Hubelani uNkulunkulu, hubani amahubo. Hubani eNkosini yethu, hubani amahubo.

⁷ Ngoba uNkulunkulu uyinkosi yomhlaba wonke; hubani amahubo.

⁸ UNkulunkulu uyabusa izizwe; uNkulunkulu uhlezi esihlalweni sakhe esingcwele sobukhosi.

⁹ Izikhulu zabantu ziyabuthana labantu bakaNkulunkulu kaAbrahama. Ngoba izihlangu zomhlaba zingezikaNkulunkulu; yena uphakeme kakhulu.