AmaHubo 41 - iBhayibhili Elingcwele 1978

Umkhuleko wokucela ukusiliswa ekuguleni

¹ Ubusisiwe onanzelela ababuthakathaka. INkosi iyamkhulula ngosuku olubi;

² iNkosi iyamlondoloza imphilise; ungobusisiweyo emhlabeni; kayimnikeli entandweni yezitha zakhe.

³ INkosi iyamlondoloza ekuguleni kwakhe, iyamsilisa kuyo yonke imikhuhlane yakhe.

⁴ Minake ngathi: Nkosi, woba lomusa kimi, ungisilise, ngoba ngonile kuwe.

⁵ Izitha zikhuluma okubi ngami zisithi: Uzakufa nini, lebizo lakhe licime na?

⁶ Lalapho kufika ozengibona, ukhuluma amanga, ubutha okubi ngami kuthi esephumile akhulume ngakho.

⁷ Bonke abangizondayo banyenyezelana ngami, bangisongele ngokubi,

⁸ besithi: Kumbambe kubi; kasayikuvuka futhi lapho alele khona.

⁹ Yebo, lomngane wami engimthembayo, obekade esidla ukudla kwami, ungivukele.

¹⁰ Kodwa, wena Nkosi, woba lomusa kimi, ungilulamise ukuze ngibaphindisele.

¹¹ Ngalokhu ngiyazi ukuthi uyangithanda, ngoba isitha sami kasingahlulanga.

¹² Kodwa wena ungiqinisile ngenxa yobuqotho bami, wangimisa phambi kwakho kuze kube nininini.

¹³ Kayibongwe iNkosi, uNkulunkulu kaIsrayeli, kusukela endulo kuze kube nininini. Ameni, Ameni.