AmaHubo 4 - iBhayibhili Elingcwele 1978

Umkhuleko wakusihlwa wokucela uncedo

¹ Ngiphendula ekukhaleni kwami, Nkulunkulu wokulunga kwami. Wangikhulula enkathazweni. Woba lomusa kimi, uzwe umkhuleko wami.

² Lina bantu, koze kube nini ubukhosi bami budunyazwa na? Koze kube nini lithanda amazwi ayize, lifune amanga na?

³ Kodwa yazini ukuthi iNkosi izahlukanisele olungileyo; iNkosi iyangizwa lapho ngikhala kuyo.

⁴ Yesabani, lingoni; nakanani ekulaleni kwenu lilele, lithule.

⁵ Linikele iminikelo yokulunga, lithembe eNkosini.

⁶ Banengi abathi: Ngubani ozakusitshengisa okuhle na? Nkosi, phakamisela ukukhanya kobuso bakho phezu kwethu.

⁷ Ungithokozisile enhliziyweni yami ukwedlula ukuthokoza kwabo lapho betshaye inala yabo yamabele lewayini.

⁸ Ngizakucambalala ngokuthula, ngilale ubuthongo, ngoba wena Nkosi wedwa uyangilondoloza.