AmaHubo 36 - iBhayibhili Elingcwele 1978

Ububi bomuntu lokulunga kukaNkulunkulu

¹ Omubi uyalalela ilizwi lesono enhliziyweni yakhe, ukwesaba uNkulunkulu kakukho engqondweni yakhe.

² Ngoba uyazikhohlisa emehlweni akhe, uthi isono sakhe kasizukufunyanwa sizondeke.

³ Amazwi omlomo wakhe ayikona lenkohliso; ukuyekele ukuhlakanipha lokwenza okuhle;

⁴ ukhumbula okubi ekulaleni kwakhe, azimise endleleni engalunganga, kakuzondi okubi.

⁵ Nkosi, uthando lwakho olungapheliyo lufinyelela ezulwini, lokuthembeka kwakho kuze kufike emayezini.

⁶ Ukulunga kwakho kunjengezintaba zikaNkulunkulu, ukwahlulela kwakho kunjengolwandle; uyasiza abantu lezinyamazana, Nkosi.

⁷ Uthando lwakho olungapheliyo, Nkulunkulu, luligugu elingaka. Abantu baphephela emthunzini wamaphiko akho.

⁸ Bazakusutha okumnandi kwendlu yakho, ubanathise okomfula wokuthokoza kwakho.

⁹ Ngoba ukuwe umthombo wokuphila; ekukhanyeni kwakho siyakubona ukukhanya.

¹⁰ Kaluqhubeke uthando lwakho olungapheliyo kulabo abakwaziyo, lokukhulula kwakho kubo abaqotho enhliziyweni.

¹¹ Unyawo lwabazigqajayo kalunganginyatheli, lesandla sababi singangixotshi.

¹² Nampo abenza okubi sebewiselwe phansi, bawiselwe phansi, kabaselakuvuka.