AmaHubo 3 - iBhayibhili Elingcwele 1978

Umkhuleko wasekuseni wokucela uncedo

¹ Hawu, Nkosi, zinengi kangaka izitha zami! Banengi abangivukelayo;

² banengi abatsho ngami ukuthi: Kaselakho ukusizwa nguNkulunkulu.

³ Kodwa wena Nkosi, uyisihlangu sami, lodumo lwami, uyanginika isibindi.

⁴ Ngiyakhala eNkosini, yona ingiphendula isentabeni yayo engcwele.

⁵ Ngilele phansi, ngijunywa yibuthongo; ngivuka futhi, ngoba iNkosi ingilondolozile.

⁶ Kangesabi izinkulungwane ezilitshumi zabantu abangihanqileyo bemelana lami.

⁷ Vuka, Nkosi! Ngikhulula, Nkulunkulu wami. Ngoba zonke izitha zami uzimukule ezihlathini, waphule amazinyo ababi.

⁸ Ukukhulula kungokweNkosi. Isibusiso sakho kasibe phezu kwabantu bakho.