AmaHubo 29 - iBhayibhili Elingcwele 1978

Ilizwi leNkosi phakathi kwesiphepha

¹ Inikeni iNkosi, lina zithunywa, inikeni iNkosi udumo lamandla.

² Inikeni iNkosi udumo lwebizo layo, likhuleke eNkosini lambethe ingubo ezingcwele.

³ Ilizwi leNkosi lizwakala phezu kwamanzi amanengi; uNkulunkulu wenkazimulo uyaduma, iNkosi iphezu kwamanzi amanengi.

⁴ Ilizwi leNkosi lilamandla, ilizwi leNkosi ligcwele ubukhulu.

⁵ Ilizwi leNkosi laphula izihlahla zomkusu, iNkosi yaphula izihlahla zaseLebanoni.

⁶ Yenza iLebanoni iqolotshe njengethole, leSiriyoni njengethole lenyathi.

⁷ Ilizwi leNkosi likhupha amalangabi omlilo.

⁸ Ilizwi leNkosi lizamazamisa inkangala, iNkosi izamazamisa inkangala yaseKadeshi.

⁹ Ilizwi leNkosi liyazunguza izihlahla, lihlubule amahlathi; lasethempelini layo konke kumemeza kusithi: Udumo!

¹⁰ INkosi iyabusa phezu kwamanzi, iNkosi iyiNkosi kuze kube nininini.

¹¹ INkosi inika abantu bayo amandla; iNkosi ibusise abantu bayo ngokuthula.