AmaHubo 26 - iBhayibhili Elingcwele 1978

Umuntu ongelacala ukhulekela ukwahlulelwa

¹ Ngahlulela, Nkosi, ngoba ngihambe ngobuqotho, ngithembe kuwe ngingathandabuzi.

² Ngihlola, Nkosi, ungilinge, uhlole inhliziyo yami lengqondo yami.

³ Ngoba uthando lwakho olungapheliyo luphambi kwamehlo ami, ngihamba ngokuthembeka kuwe.

⁴ Kangihlali labantu abangathembekanga, kangihambelani labazenzisayo.

⁵ Ngiyazonda umhlangano wabenza okubi, kangihlali lababi.

⁶ Ngiyageza izandla zami ngingelalo icala, ngizingeleze ialtare lakho, Nkosi,

⁷ ngihlabele ingoma yokubonga, ngizwakalise zonke izenzo zakho ezimangalisayo.

⁸ Ngiyayithanda indlu lapha uhlala khona, indawo lapho kuhlezi khona inkazimulo yakho.

⁹ Ungangikhukhuli kanye lezoni, lokuphila kwami kanye labantu abathanda ukuchitha igazi,

¹⁰ abantu abazandla zabo zenza okubi, lezandla zabo zokunene zigcwele inkohliso.

¹¹ Kodwa mina ngihamba ngobuqotho; ngihlenga, Nkosi, ube lomusa kimi.

¹² Unyawo lwami lumi endaweni enhle; ngizakuyidumisa iNkosi ngisebandleni elikhulu.