AmaHubo 24 - iBhayibhili Elingcwele 1978

INkosi yobukhosi

¹ Umhlaba ungoweNkosi kanye lakho konke okukuwo, ilizwe kanye labakhileyo kulo.

² Ngoba yona yawusekela phezu kwezinlwandle, yawumisa phezu kwamanzi.

³ Ngubani olelungelo lokukhwela entabeni yeNkosi na? Ngubani ongangena ethempelini layo elingcwele na?

⁴ Ngulowo olezandla ezingelacala lenhliziyo ehlambulukileyo, ongaphakamiseli umphefumulo wakhe kokuyize longafungeli amanga.

⁵ Yena uzakwamukela isibusiso seNkosi, lokulunga kukaNkulunkulu umkhululi wakhe.

⁶ Banjalo labo abayifunayo iNkosi, abafuna ubuso bukaNkulunkulu kaJakobe.

⁷ Vulekani lina masango, vulekani lina minyango emidala, ukuba kungene iNkosi yobukhosi.

⁸ Ingubani liNkosi yobukhosi na? YiNkosi elamandla leliqhawe, iNkosi elamandla ekulweni.

⁹ Vulekani lina masango, vulekani lina minyango emidala, ukuba kungene liNkosi yobukhosi.

¹⁰ Ingubani liNkosi yobukhosi na? INkosi yamabandla, yiyo eyiNkosi yobukhosi.