AmaHubo 2 - iBhayibhili Elingcwele 1978

Ukubusa kogcotshiweyo weNkosi

¹ Kungani ukuba izizwe zixokozele, labantu banakane okuyize na?

² Amakhosi omhlaba azimisele, lababusi bahlanganisa icebo lokuba balwe leNkosi logcotshiweyo wayo, besithi:

³ Asiqamule izibopho zabo, silahle izintambo zabo zisuke kithi.

⁴ Yena ohlezi emazulwini uyahleka, iNkosi iyabahleka ulunya.

⁵ Ibisikhuluma labo entukuthelweni yayo, ibethuse ngolaka lwayo isithi:

⁶ Ngibekile inkosi yami eZiyone, entabeni yami engcwele.

⁷ Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

⁸ Cela kimi, ngizakukunika izizwe zibe yilifa lakho, lomhlaba wonke ube ngowakho.

⁹ Uzakuzaphula ngentonga yensimbi, uziphahlaze njengembiza yebumba.

¹⁰ Ngakhoke hlakaniphani lina makhosi, lixwayiswe lina babusi bomhlaba.

¹¹ Ikhonzeni iNkosi ngokwesaba, lithuthumele,

¹² liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.