AmaHubo 19 - iBhayibhili Elingcwele 1978

Imisebenzi kaNkulunkulu lomlayo wakhe

¹ Amazulu ayakhuluma ngobukhulu bukaNkulunkulu, lomkhathi utshumayela umsebenzi wezandla zakhe.

² Olunye usuku lutshela olunye, lobunye ubusuku buyatshumayeza obunye ukwazi.

³ Kakukho ukukhuluma, kawakho amazwi, lelizwi lawo kalizwakali;

⁴ kanti ilizwi lawo liphumele emhlabeni wonke, lamazwi awo aphumele emikhawulweni yomhlaba. Ulimisele ilanga indawo kuwo,

⁵ elinjengomyeni ephuma endlini yakhe, njengendoda elamandla lihamba indlela yalo ngokuthokoza.

⁶ Liphuma emikhawulweni yamazulu, lihambe lize lifike ekupheleni kwawo; kakukho okungacatshela ukutshisa kwalo.

⁷ Umlayo weNkosi uphelele, uvuselela umphefumulo; imilayo yeNkosi iqinisile, ihlakaniphisa oyisithutha;

⁸ izimiso zeNkosi zilungile, zithokozisa inhliziyo; imithetho yeNkosi ihlambulukile, ivula amehlo.

⁹ Ukuyesaba iNkosi kuhlambulukile, kumi kuze kube nininini; izahlulelo zeNkosi ziliqiniso, zilungile impela.

¹⁰ Zinxwanelekile kakhulu kulegolide, yebo igolide elihle; zimnandi kulenyosi loluju lwezinhlanga.

¹¹ Lenceku yakho iyelulekwa ngazo; ozigcinayo uzakuzuza umvuzo omkhulu.

¹² Kodwa ngubani owazi iziphosiso zakhe na? Ngithethelela, Nkosi, kwezisithekileyo.

¹³ Ilondoloze inceku yakho lasezonweni zangabomu; kazingabusi phezu kwami. Ng’khona ngizakuba ngopheleleyo, ngingabi lacala eziphambekweni ezinkulu.

¹⁴ Amazwi omlomo wami lemicabango yenhliziyo yami kakwamukeleke kuwe, Nkosi, dwala lami lomhlengi wami.