AmaHubo 17 - iBhayibhili Elingcwele 1978

Umkhuleko wozingelwa engelacala

¹ Zwana ukucela kwami ngokulunga, Nkosi, ulalele ukukhala kwami; ubeke indlebe ekukhulekeni kwami okuphuma emlonyeni ongelankohliso.

² Ukwahlulelwa kwami kakuvele kuwe, lamehlo akho abone okulungileyo.

³ Uba ulinga inhliziyo yami, uba ungihambela ebusuku, uba ungihlola, kawuyikufica ububi kimi; kangikhulumanga okubi.

⁴ Ezenzweni zabantu ngiyazinqanda ezindleleni zababi ngelizwi lomlomo wakho.

⁵ Izinyathelo zami zinamathele ezindleleni zakho, lenyawo zami kazitshelelanga.

⁶ Ngiyakhala kuwe ngoba uzakungiphendula, Nkulunkulu; beka indlebe yakho kimi, uzwe amazwi ami.

⁷ Akutshengise ukumangaliswa kothando lwakho olungapheliyo, wena owophula labo abacatshela izitha zabo esandleni sakho sokunene.

⁸ Ngilondoloza ngibe ligugu kuwe; ungifihle emthunzini wamaphiko akho

⁹ kubo ababi abangilimazayo, kuzo izitha zokuphila kwami ezingihanqileyo.

¹⁰ Inhliziyo zabo bazivalela isihawu; bayazincoma ngomlomo wabo.

¹¹ Bayangithungatha, sebengihanqile; bafunisisa ithuba lokungiwisela phansi.

¹² Banjengesilwane esikhuthalele ukubamba, njengesilwane esicathemeyo.

¹³ Vuka, Nkosi! ubahlangabeze, ubachithe. Ngomkhonto wakho khulula ukuphila kwami kubo ababi,

¹⁴ lakubo abantu ngesandla sakho, Nkosi, abantu basemhlabeni abasabelo sabo sikulokhukuphila. Gcwalisa izisu zabo ngezinto zakho, ukuze abantwana babo bazuze okwanele ukubasuthisa, batshiyele lezingane zabo.

¹⁵ Kodwa mina ngizakhangela ubuso bakho ekulungeni, nganeliswe yisimo sakho ekuphaphameni kwami.