AmaHubo 16 - iBhayibhili Elingcwele 1978

INkosi iyisabelo sami

¹ Ngilondoloza, Nkulunkulu, ngoba ngiyaphephela kuwe.

² Ngithi eNkosini: Wena uyiNkosi yami, kangilakho okuhle ngaphandle kwakho.

³ Abangcwele abaselizweni yibo abayizikhulu, yonke intokozo yami ikubo.

⁴ Labo abakhetha omunye unkulunkulu bazandisela izinhlupheko; kangiyikunikela iminikelo yabo yegazi; lamabizo abonkulunkulu babo kangiyikuwaphatha emlonyeni wami.

⁵ Nkosi, uyisabelo sami lenkezo yami; wena uphethe okokuphila kwami konke.

⁶ Imingcele yesabelo sami isezindaweni ezinhle; yebo, ngilalo ilifa elihle.

⁷ Ngiyayibonga iNkosi engilulekayo; lasebusuku inhliziyo yami iyangilaya.

⁸ Ngikhangele iNkosi njalonjalo; ngoba ingakwesokunene sami, kangiyikunyikinywa.

⁹ Ngakhoke inhliziyo yami iyathokoza, lomphefumulo wami uyajabula, lomzimba wami uzakuhlala ngokuthaba.

¹⁰ Ngoba kawungiyekelanga ngiye endaweni yabafileyo, kawuyikuvuma ukuba olungileyo wakho abone ukubola.

¹¹ Uzakungazisa indlela yokuphila; phambi kwakho kugcwele ukuthokoza, langakwesokunene sakho kukhona intokozo kuze kube nininini.