AmaHubo 149 - iBhayibhili Elingcwele 1978

UIsrayeli kadumise iNkosi

¹ Dumisani iNkosi! Hlabelelani iNkosi ingoma entsha, indumiso yayo ibe sebandleni labathembekileyo.

² UIsrayeli kathokoze ngoMenzi wakhe, lamadodana aseZiyone athabe eNkosini yawo.

³ Kabadumise ibizo layo ngokusina, bayitshayele isigubhu lechacho.

⁴ Ngoba iNkosi iyathokoza ngabantu bayo; iyabanika ukunqoba abathobekileyo.

⁵ Abathembekileyo kabathokoze ngenxa yokunqoba kwabo, bahlabele ngokujabula emacansini abo.

⁶ Izibongo zikaNkulunkulu kazibe semilonyeni yabo, lemikhonto ecijileyo ibe sezandleni zabo,

⁷ ukuba benze impindiselo phezu kwezizwe, lokujezisa izizwe,

⁸ babophe amakhosi azo ngamaketane, lezikhulu zazo ngezibopho zensimbi,

⁹ benze phezu kwazo isahlulelo esilotshiweyo. Lokhu kuludumo kubo bonke abangcwele bayo. Dumisani iNkosi!