AmaHubo 146 - iBhayibhili Elingcwele 1978

Ukudumisa iNkosi engumsizi

¹ Dumisani iNkosi! Dumisa iNkosi, mphefumulo wami.

² Ngizakuyidumisa iNkosi ngisaphila; ngizakuhlabelela uNkulunkulu wami ngisesekhona.

³ Lingathembi izikhulu, lomuntu okungekho kuye usizo.

⁴ Lapho esesifa, iyabuyela emhlabathini; langalolosuku amacebo akhe ayaphela.

⁵ Ubusisiwe yena omsizi wakhe unguNkulunkulu kaJakobe, othemba lakhe liseNkosini uNkulunkulu wakhe,

⁶ yena owenza izulu lomhlaba, lolwandle lakho konke okukukho, yena othembekileyo kuze kube nininini,

⁷ owenzela abacindezelweyo ukwahlulelwa, obaphayo ukudla abalambileyo, INkosi iyakhulula izibotshwa;

⁸ iNkosi iyavula amehlo eziphofu; iNkosi iyabalulamisa bona abawileyo; iNkosi iyabathanda abalungileyo.

⁹ INkosi iyazigcina izihambi, isekele umfelwakazi lezintandane; kodwa indlela yababi iyayichitha.

¹⁰ INkosi izakubusa kuze kube nininini, uNkulunkulu wakho, Ziyone, kuze kube sezizukulwaneni zonke. Dumisani iNkosi!