AmaHubo 14 - iBhayibhili Elingcwele 1978

Ubuthutha lobubi babantu

¹ Isithutha sithi enhliziyweni yaso: KakulaNkulunkulu. Abantu bonakele, benza imisebenzi emibi; kakho lamunye owenza okuhle.

² INkosi iyabakhangela abantu isezulwini, ukuba ibone ukuthi ukhona yini owenza okuqondileyo, ofuna uNkulunkulu.

³ Balahlekile bonke, bonke bonakele; kakho owenza okuhle, kakho loyedwa.

⁴ Kabalakwazi yini bonke abenza okubi abadla abantu bami njengokuba besidla isinkwa, bengakhuleki eNkosini na?

⁵ Bazakutshaywa luvalo olukhulu, ngoba uNkulunkulu ukuso isizukulwana sabalungileyo.

⁶ Belizakufilisa amacebo omyanga; kodwa iNkosi iyisiphephelo sakhe.

⁷ Kungathi ukukhululwa kukaIsrayeli kungavela eZiyone! Lapho iNkosi ibuyisa inhlanhla kubantu bayo, uJakobe uzakuthaba, loIsrayeli athokoze.