AmaHubo 138 - iBhayibhili Elingcwele 1978

Ukubonga iNkosi

¹ Ngiyakubonga, Nkosi, ngenhliziyo yami yonke; phambi kwabonkulunkulu ngiyakudumisa.

² Ngizakukhuleka ngikhangele ethempelini lakho elingcwele, ngibonge ibizo lakho ngenxa yothando lwakho olungapheliyo lobuqotho bakho; ngoba uphakamisile phezu kwakho konke ibizo lakho lelizwi lakho.

³ Ngosuku engakhuleka ngalo kuwe wangiphendula, wanginika amandla emphefumulweni wami.

⁴ Wonke amakhosi omhlaba azakukudumisa, Nkosi, ngoba azwile amazwi omlomo wakho;

⁵ azakuhlabela ngezindlela zeNkosi, ngoba lukhulu udumo lweNkosi.

⁶ Loba iNkosi iphakeme, iyakhumbula abathobekileyo; kodwa abazigqajayo iyababona ikhatshana.

⁷ Loba ngihamba phakathi kwenhlupheko, wena uyalondoloza ukuphila kwami; umelana lezitha zami ezilolaka, lesandla sakho sokunene siyangikhulula.

⁸ INkosi izakuphelelisa icebo layo ngami; uthando lwakho olungapheliyo, Nkosi, lumi kuze kube nininini. Ungawutshiyi umsebenzi wezandla zakho.