AmaHubo 137 - iBhayibhili Elingcwele 1978

Ukukhala kwabakoIsrayeli abathunjiweyo

¹ Ngasemifuleni yaseBabiloni sahlala phansi sakhala, lapho sikhumbula iZiyone.

² Amachacho ethu sawaphanyeka phakathi kwezihlahla.

³ Ngoba lapho abasithumbayo basicela ukuhlabelela, labahluphi bethu bacela injabulo besithi: Sihlabeleleni enye yezingoma zaseZiyone.

⁴ Singahlabela kanjani ingoma yeNkosi elizweni lezizweni na?

⁵ Uba ngikukhohlwa wena, Jerusalema, kasife isandla sami sokunene;

⁶ lolimi lwami lunamathele olwangeni lwami, uba ngingakukhumbuli, uba ngingabeki iJerusalema phambi kwentokozo yami enkulu.

⁷ Khumbula, Nkosi, ukuthi amaEdoma enzani ngosuku lokuthathwa kweJerusalema, lokuthi athi: Lidilizeni, lidilizeni, kuze kube sesisekelweni salo.

⁸ Babiloni, wena mchithi, ubusisiwe ozakuphindisela kuwe izenzo zakho kithi.

⁹ Ubusisiwe yena ozakubamba abantwana bakho abasakaze edwaleni.