AmaHubo 129 - iBhayibhili Elingcwele 1978

Ukukhulekela ukuchithwa kwabazonda iZiyone

¹ Abantu bangihluphile kakhulu kusukela ebutsheni bami; katsho njalo uIsrayeli athi:

² Bangihluphile kakhulu kusukela ebutsheni bami, kanti kabangahlulanga.

³ Bangitshaya imivimvinya emhlana wami, bayenza yaba mide njengemifolo yensimu.

⁴ Kodwa iNkosi ilungile, iqumile intambo zababi.

⁵ Kabayangeke bonke abazonda iZiyone, babuyiselwe emuva.

⁶ Kababe njengotshani obusesicholo sendlu, obubuna bungakakhuli,

⁷ ovunayo angagcwalisi ngabo isandla sakhe, lalowo obopha izithungo ingalo zakhe.

⁸ Abadlulayo kabatsho ukuthi: Isibusiso seNkosi kasibe phezu kwenu. Siyalibusisa ebizweni leNkosi.