AmaHubo 127 - iBhayibhili Elingcwele 1978

Zonke izibusiso zivela eNkosini

¹ Uba iNkosi ingayakhi indlu, basebenzela ize abayakhayo. Uba iNkosi ingawulondolozi umuzi, kuyize ukulinda komlindi.

² Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

³ Khangelani, amadodana ayisipho esivela eNkosini, abantwana bangumvuzo ovela kuyo.

⁴ Njengemitshoko esandlweni seqhawe, anjaloke amadodana obutsha.

⁵ Ilenhlanhla leyondoda esamba sayo sigcwele yona; kayiyikuyangeka lapho ikhuluma lezitha zayo enkundleni.