AmaHubo 126 - iBhayibhili Elingcwele 1978

Ukubonga iNkosi ngokubuyisa kwayo abathunjiweyo eZiyone

¹ Lapho iNkosi ibuyisa abathunjiweyo eZiyone, saba njengabaphuphayo.

² Imilomo yethu yagcwala ukuhleka, lenlimi zethu ukujabula. Basebesithi phakathi kwezizwe: INkosi ibenzele izinto ezinkulu.

³ Impela iNkosi yasenzela izinto ezinkulu; sathokoza.

⁴ Buyisa abantu bakithi, Nkosi, njengemifula ibuya igeleze futhi eNegebi.

⁵ Abahlanyela bekhala bazavuna ngokuthokoza.

⁶ Yena ophuma ekhala, ephethe inhlanyelo yokuhlanyela, uzakubuya ethokoza, ethwele inyanda zakhe.