AmaHubo 123 - iBhayibhili Elingcwele 1978

Umkhuleko wokucela isihawu

¹ Ngiyaphakamisela kuwe amehlo ami, wena ohlezi esihlalweni sobukhosi phezulu.

² Khangela, njengalokhu amehlo ezinceku ekhangela esandleni senkosi yazo, lamehlo encekukazi ekhangela esandleni senkosikazi yayo, ngokunjalo amehlo ethu akhangela eNkosini uNkulunkulu wethu, ukuze ibe lesihawu kithi.

³ Woba lesihawu kithi, Nkosi, woba lesihawu kithi, ngoba sesidiniwe kakhulu yikudelelwa.

⁴ Sesikhathele kakhulu yikukloloda kwabo abonwabileyo layikudelela kwabazigqajayo.