AmaHubo 12 - iBhayibhili Elingcwele 1978

Umkhuleko wokucela ukuvikelwa

¹ Siza, Nkosi, ngoba kakusekho olungileyo; ngoba abathembekileyo banyamalele, kabasekho phakathi kwabantu.

² Yilowo lalowo ukhuluma amanga lomakhelwana wakhe; bayakhohlisa ngomlomo, bakhuluma nganhliziyombili.

³ Kungathi iNkosi ingaquma yonke imilomo ekhohlisayo, lolimi olukhuluma amazwi okuzincoma,

⁴ labo abathi: Sizakunqoba ngolimi lwethu, imilomo yethu ngeyethu njalo; ngubani ongasibusa na?

⁵ Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

⁶ Amazwi eNkosi angamazwi ahlambulukileyo, anjengesiliva esihlanjululwe esithandweni somlilo, sihlanjululwe kasikhombisa.

⁷ Akusilondoloze, Nkosi, usivikele kulesisizukulwana kuze kube nininini.

⁸ Ababi bayahahaba inxa zonke, lapho ububi buphakanyiswa phakathi kwabantu.