AmaHubo 116 - iBhayibhili Elingcwele 1978

Ukubonga kokhululiweyo

¹ Ngiyayithanda iNkosi, ngoba iyezwa ilizwi lami lokukhuleka kwami.

² Iyangizwa, ngakhoke ngizakhuleka kuyo zonke insuku zami.

³ Imijibila yokufa yangihanqa, lobuhlungu bendawo yabafileyo bangibamba; ngehlelwa yikuhlupheka losizi.

⁴ Ngasengikhuleka ebizweni leNkosi, ngathi: Nkosi, ngiyakuncenga, silisa ukuphila kwami.

⁵ INkosi ilomusa ilungile; uNkulunkulu wethu ulesihawu.

⁶ INkosi iyabalondoloza abantukazana; lapho ngiwiselwa phansi yangisiza.

⁷ Buyela ekuphumuleni kwakho, mphefumulo wami, ngoba iNkosi ikuphathe ngomusa.

⁸ Ngoba isilise umphefumulo wami ekufeni, lamehlo ami ezinyembezini, lenyawo zami ekuweni.

⁹ Ngiyahamba phambi kweNkosi elizweni labaphilayo.

¹⁰ Ngaqina ekukholweni lanxa ngangisithi: Ngiyahlupheka kakhulu.

¹¹ Ngathi ekwesabeni kwami: Bonke abantu kabathembeki.

¹² Ngizakuyinikani iNkosi ngazo zonke izenzo zayo ezinhle kimi na?

¹³ Ngizakuthatha inkezo yokukhululwa, ngikhuleke ebizweni leNkosi.

¹⁴ Ngizakugcwalisa izifungo zami eNkosini phambi kwabantu bayo bonke.

¹⁵ Kuligugu emehlweni eNkosi ukufa kwabangcwele bayo.

¹⁶ Nkosi, ngiyinceku yakho, ngiyinceku yakho lendodana yencekukazi yakho. Wena uqamule izibopho zami.

¹⁷ Ngizakunikela kuwe iminikelo yokubonga, ngikhuleke ebizweni lakho.

¹⁸ Ngizakugcwalisa izifungo zami eNkosini phambi kwabantu bayo bonke,

¹⁹ emagumeni endlu yeNkosi, phakathi kwakho, Jerusalema. Dumisani iNkosi!