AmaHubo 112 - iBhayibhili Elingcwele 1978

Inhlanhla yomuntu oyesabayo iNkosi

¹ Dumisani iNkosi! Ubusisiwe umuntu oyesabayo iNkosi, othokoza kakhulu ngemithetho yayo.

² Inzalo yakhe izakuba lamandla emhlabeni; isizukulwana sabaqotho sizakubusiswa.

³ Imfuyo lenotho kuzaba sendlini yakhe, lokulunga kwakhe kuzahlala kuze kube nininini.

⁴ Kuyabaphumela abaqotho ukukhanya emnyameni, labo abalomusa lesihawu lokulunga.

⁵ Kuyamlungela umuntu ophanayo lowebolekisayo, owenza izinto zakhe ngokulunga.

⁶ Ngoba olungileyo kayikunyikinywa; uzakukhunjulwa kuze kube nini lanini.

⁷ Kesabi imibiko emibi, inhliziyo yakhe iqinile, ithemba eNkosini.

⁸ Imisekile inhliziyo yakhe, kayikwesaba, ukuze abone akufisayo ngezitha zakhe.

⁹ Uphana kakhulu, ubanika abayanga; ukulunga kwakhe kuhlala kuze kube nininini; uyaphakanyiswa ngodumo.

¹⁰ Omubi uyakubona lokhu, athukuthele; agedle amazinyo akhe, anyamalale; ukufisa komubi kuphelela ezeni.