AmaHubo 110 - iBhayibhili Elingcwele 1978

INkosi uNkulunkulu inika inkosi umbuso

¹ INkosi yathi enkosini yami: Hlala ngakwesokunene sami, ngize ngenze izitha zakho zibe yisigcabha senyawo zakho.

² Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

³ Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

⁴ INkosi ifungile, kayiyikuzisola, yathi: Wena ungumpristi kokuphela ngokwendlela kaMelkizedeki.

⁵ INkosi ingakwesokunene sakho; izakuwachitha amakhosi osukwini lokuthukuthela kwayo.

⁶ Izakwahlulela phakathi kwezizwe, kugcwale izidumbu; izakuchitha izinduna endaweni ezinengi.

⁷ Izakunatha emfuleni ngasendleleni; ngakhoke izakuma inqobile.