AmaHubo 11 - iBhayibhili Elingcwele 1978

INkosi iyisiphephelo sabaqotho

¹ Ngiyaphephela eNkosini. Ngakho lingatsho kanjani kimi ukuthi: Balekela ezintabeni njengenyoni,

² ngoba, khangela, ababi bayagobisa amadandili abo, sebebekile imitshoko yabo entanjeni, ukuba bacibe emnyameni abaqotho ngenhliziyo.

³ Nxa isisekelo sidilizwa, angenze njani olungileyo na?

⁴ INkosi isethempelini layo elingcwele; isihlalo sayo sobukhosi sisezulwini; iyakhangela bonke abantu, iqaphelise konke abakwenzayo.

⁵ INkosi iyabahlola abalungileyo lababi, umphefumulo wayo uyazonda othanda okubi.

⁶ Phezu kwababi uzakwehlisela amalahle omlilo lesolufa; lomoya otshisayo uzakuba yisabelo sabo.

⁷ Ngoba iNkosi ilungile, iyathanda ukulunga; abaqotho bazakubona ubuso bayo.