AmaHubo 1 - iBhayibhili Elingcwele 1978

UGWALO LOKUQALA Indlela yabalungileyo lendlela yababi

¹ Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

² kodwa okuthokoza kwakhe kusemlayweni weNkosi, unakana ngomlayo wayo emini lebusuku.

³ Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

⁴ Ababi kabanjalo, kodwa banjengomule ophetshulwa ngumoya.

⁵ Ngakhoke ababi kabazukuma ekwahlulelweni, lezoni kazizukuma ebandleni labalungileyo;

⁶ ngoba iNkosi iyayinanzelela indlela yabalungileyo, kodwa indlela yababi izakubhubha.