1 ImiLando 9 - iBhayibhili Elingcwele 1978

Ababehlala eJerusalema

¹ Bonke abakoIsrayeli balotshwa ngezizukulwana zabo ogwalweni lwamakhosi akoIsrayeli; kodwa abakoJuda bathunjwa besiwa eBabiloni ngenxa yezono zabo.

² Abokuqala abakha futhi elizweni labo bahlala emizini yabo babengabantu bakoIsrayeli, labapristi, lamaLevi, lezinceku zasethempelini.

³ Abanye bakoJuda labakoBenjamini labakoEfrayimi labakoManase bahlala eJerusalema;

⁴ kwakunguUthayi indodana kaAmihudi kaOmri kaImri kaBani, omunye wamadodana kaPerezi kaJuda;

⁵ lakumaShiloni kungoAsaya izibulo, lamadodana akhe;

⁶ lakumadodana kaZera kunguJeyuweli lezihlobo zawo ezingamakhulu ayisithupha lamatshumi aficamunwemunye;

⁷ kwabakoBenjamini uSalu indodana kaMeshulamu kaHodaviya kaHasenuwa,

⁸ loIbineya indodana kaJerohamu, loEla indodana kaUzi kaMikiri, loMeshulamu indodana kaShefathiya kaRehuweli kaIbinija,

⁹ lezihlobo zabo ezilotshwa ngezizukulwana zazo ezingamakhulu aficamunwemunye lamatshumi amahlanu lesithupha. Bonke labo babeyizinhloko zezindlu.

¹⁰ Abapristi babengoJedaya loJehoyaribi loJakini

¹¹ loAzariya indodana kaHilikiya kaMeshulamu kaZadoki kaMerayothi kaAhitubi, umphathi wendlu kaNkulunkulu,

¹² loAdaya indodana kaJerohamu kaPashuri kaMalikiya loMahasayi kaAdiyeli kaJahizera kaMeshulamu kaMeshilemithi kaImeri,

¹³ kanye lezihlobo zabo, izinhloko zezindlu, beyinkulungwane lamakhulu ayisikhombisa lamatshumi ayisithupha, abantu abalamandla lolwazi ngenkonzo yendlu kaNkulunkulu.

¹⁴ AmaLevi ayengoShemaya indodana kaHashubi kaAzirikamu kaHashabiya, omunye wamadodana kaMerari,

¹⁵ loBakibakari loHereshi loGalali loMathaniya indodana kaMika kaZikiri kaAsafi,

¹⁶ loObadiya indodana kaShemaya kaGalali kaJeduthuni, loBerekiya indodana kaAsa kaElkana owahlala emizini yamaNetofa.

¹⁷ Abagcini bamasango babengoShaluma loAkubi loTalimoni loAhimani lezihlobo zabo; uShaluma wayeyinhloko yabo.

¹⁸ Kwaze kwaba yilesosikhathi babengabagcini bamasango ezihonqweni zamaLevi ngasesangweni lenkosi, ngasempumalanga.

¹⁹ UShaluma indodana kaKore kaEbiyasafi kaKora, lezihlobo zakhe zamaKora, baphatha umsebenzi wokulinda iminyango yeTabernakeli, njengalokhu okhokho babo babelindile izintuba zesihonqo seNkosi uNkulunkulu.

²⁰ UFiniyasi indodana kaEleyazare wayengumphathi wabo ngaphambili; iNkosi kayibe laye!

²¹ UZekariya indodana kaMeshelemiya wayengumgcini wesango lethente lokuhlangana.

²² Bonke labo abakhethwayo baba ngabagcini bamasango babengamakhulu amabili letshumi lambili; balotshwa ngezizukulwana zabo emizini yabo. ODavida loSamuweli umboni babamisa ezikhundleni zabo ngenxa yokuthembeka kwabo.

²³ Bona lamadodana abo baphatha umsebenzi wokulinda amasango ethempeli, ithente lokuhlangana kwayo.

²⁴ Abalindi bamasango babekhona ezinhlangothini zozine, ngasempumalanga langasentshonalanga langasenyakatho langaseningizimu.

²⁵ Izihlobo zabo ezazisemizini yabo zazifanele ukuyalinda labo ngezikhathi ngezikhathi, okwensuku eziyisikhombisa.

²⁶ Abagcini bamasango abakhulu bobane babengamaLevi, belamandla agcweleyo, bekhangela izindlu lempahla endlini kaNkulunkulu.

²⁷ Babehlala ebusuku ngasendlini kaNkulunkulu, ngoba umsebenzi wabo wawuyikuyilinda lokuyivula insuku zonke ekuseni.

²⁸ Abanye babo babelondoloza izitsha zenkonzo, bezibala lapho zikhutshwa lalapho zingeniswa.

²⁹ Labanye babo babelondoloza impahla lazo zonke izitsha ezingcwele, lempuphu ecolekileyo, lewayini lamafutha, lempepha, lamakha.

³⁰ Abanye abapristi babelungisa amafutha okwenza amakha.

³¹ UMathithiya umLevi, izibulo likaShaluma umKora, waphatha umsebenzi wokupheka amaqebelengwana ngoba ethembekile.

³² Abanye bezihlobo zamaKohathi babephethe umsebenzi wokulungisa isinkwa esahlukaniselwe uNkulunkulu ngamaSabatha wonke.

³³ Laba bangabahlabeleli, beyizinhloko zezindlu zamaLevi; babehlala ezindlini zethempeli lapho bekhululekile kweminye imisebenzi, ngoba babefanele ukusebenza emini lebusuku.

³⁴ Labo bayizinhloko zezindlu zamaLevi ngezizukulwana zabo, bahlala eJerusalema.

Izizukulwana zikaSawuli

³⁵ UJehiyeli uyise kaGibeyoni wahlala eGibeyoni; ibizo lomkakhe lalinguMahaka.

³⁶ Amadodana akhe ayengoAbidoni izibulo, eselanywa nguZuri loKishi loBali loNeri loNadabi

³⁷ loGedori loAhiyo loZekariya loMikilothi.

³⁸ UMikilothi wazala uShimeyamu; laba labo babehlala eJerusalema eduze lezihlobo zabo.

³⁹ UNeri wazala uKishi; uKishi wazala uSawuli; uSawuli wazala uJonathani loMalikishuwa loAbinadaba loEshi‐Bali.

⁴⁰ Indodana kaJonathani yayinguMeribali; uMeribali wazala uMika.

⁴¹ Amadodana kaMika ayengoPithoni loMeleki loTareya loAhazi.

⁴² UAhazi wazala uJara; uJara wazala oAlemethi loAzimavethi loZimri. UZimri wazala uMoza.

⁴³ UMoza wazala uBineya, owazala uRefaya, owazala uEleyasa, uyise kaAzeli.

⁴⁴ UAzeli wayelamadodana ayisithupha, oAzirikamu loBokeru loIshmayeli loSheyariya loObadiya loHanani.