1 ImiLando 4 - iBhayibhili Elingcwele 1978

Inzalo kaJuda

¹ Amadodana kaJuda ayengoPerezi loHezironi loKarmi loHuri loShobali.

² UReyaya indodana kaShobali wazala uJahathi; uJahathi wazala uAhumayi loLahadi. Labo babelusendo lwamaZorathi.

³ Nanka amadodana kayise kaEtamu; oJezereli loIshma loIdibashi; udadewabo wawo wayenguHazeleliponi.

⁴ UPenuweli wazala uGedori, loEzeri wazala uHusha. Laba babengamadodana kaHuri, izibulo likaEfratha, uyise kaBetlehema.

⁵ UAshuri uyise kaTekowa wayelabafazi ababili, oHela loNahara;

⁶ uNahara wazala uAhuzama loHeferi loTemeni loHahashitari. Laba babengamadodana kaNahara.

⁷ Amadodana kaHela ayengoZerethi loIzihari loEthinani loKozi.

⁸ UKozi wazala uAnubi loZobeba, labantwana bakaAhariheli indodana kaHarumi.

⁹ UJabezi wayelodumo kulabafowabo; unina wamutha wathi nguJabezi, ngoba wathi: Kungoba ngamzala ngibuhlungu.

¹⁰ UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.

¹¹ UKelubi umfowabo kuShuha wazala uMehiri owazala uEshitoni.

¹² UEshitoni wazala uBeti‐Rafa loPaseya loTehina uyise kaIrinahashi. Laba babengabantu bakaReka.

¹³ Amadodana kaKenazi ayengoOthiniyeli loSeraya. Amadodana kaOthiniyeli ayengoHathathi loMeyonothayi.

¹⁴ UMeyonothayi wazala uOfira. USeraya wazala uJowabi ukhokho wamaGeharashi okutsho izingcitshi, ngoba ayeyizingcitshi.

¹⁵ Amadodana kaKalebi indodana kaJefune ayengoIru loEla loNahamu; indodana kaEla yayinguKenazi.

¹⁶ Amadodana kaJehaleleli ayengoZifi loZifa loTiriya loAsareli.

¹⁷ Amadodana kaEzra ayengoJetheri loMeredi loEferi loJaloni. Labo babengamadodana kaBithiya indodakazi kaFaro, eyayithethwe nguMeredi; yathatha isisu yazala oMiriyamu loShamayi loIshiba uyise kaEshitemowa.

¹⁸ Umkakhe umJudakazi wazala uJeredi uyise kaGedori, loHeberi uyise kaSoko, loJekuthiyeli uyise kaZanowa.

¹⁹ Amadodana kaHodiya umkakhe, owayengudadewabo kaNahama, ayengoDaliya uyise kaKeyila waseGarmi, loEshitemowa waseMahakathi.

²⁰ Amadodana kaShimoni ayengoAmnoni loRina loBenihanani loTiloni. Amadodana kaIshi ayengoZohethi loBenizohethi.

²¹ Amadodana kaShela indodana kaJuda ayengoEri uyise kaLeka, loLahada uyise kaMaresha, labantwana babenzi belembu elihle eBeti‐Ashibeya,

²² loJokimi, lamadoda aseKozeba, loJowashi, loSarafi ababebusa amaMowabi, babuyela eBetlehema. — lezizindaba sezindala —

²³ Labo babengababumbi, labakhileyo eNetayimi leGedera ababeyisebenzela inkosi, behlala khona.

Inzalo kaSimeyoni

²⁴ Amadodana kaSimeyoni ayengoNemuweli loJamini loJaribi loZera loShawuli,

²⁵ owazala uShaluma, uyise kaMibisamu, uyise kaMishima.

²⁶ Inzalo kaMishima yayingoHamuweli, lomntanakhe uZakuri, lomntanake uShimeyi.

²⁷ UShimeyi wayelamadodana alitshumi lesithupha lamadodakazi ayisithupha; kodwa abafowabo babengelabantwana abanengi, labantwana babo kabandanga njengabakoJuda.

²⁸ Bahlala eBerisheba leMolada leHazari‐Shuwali

²⁹ leBiliha leEzema leToladi

³⁰ leBethuweli leHorma leZiklagi

³¹ leBeti‐Marikabothi leHazari‐Susimi leBeti‐Biri leShaharayimi. Yiyo eyayiyimizi yabo kwaze kwabusa uDavida.

³² Imizana yabo yayiyiEtamu leAyini leRimoni leTokeni leAshani, indawo ezinhlanu,

³³ kanye layo yonke imizana eyayiyizingelezele kuze kuyefika eBalathi. Yizo lezondawo ababehlala kuzo. Balotshwa ngezizukulwana zabo.

³⁴ OMeshobabi loJamileki loJosha indodana kaAmaziya,

³⁵ loJoweli loJehu indodana kaJoshibiya kaSeraya kaAsiyeli,

³⁶ loEliyohenayi loJahakoba loJeshohaya loAsaya loAdiyeli loJesimiyeli loBenaya,

³⁷ loZiza indodana kaShifi kaAloni kaJedaya kaShimiri kaShemaya;

³⁸ laba ababizwa ngamabizo babeyizikhulu osendweni lwabo, lezindlu zabo zanda kakhulu.

³⁹ Basuka ekungeneni kweGedori baya ngasempumalanga kwesihotsha ukudingela imihlambi yabo amadlelo;

⁴⁰ bafumana khona amadlelo amahle emmangweni obanzi, olokuthula; ababehlala khona kudala babengabakoHamu.

⁴¹ Ensukwini zikaHezekiya inkosi yakoJuda labo ababelotshiwe baya khona, bachitha amathente abantu bakhona kanye labakoMewunimi ababekhona, babachitha baphela nya kuze kube lamhla; bahlala endaweni zabo, ngoba kwakukhona lapho amadlelo ezimvu zabo.

⁴² Abanye babo, abakoSimeyoni abangamakhulu amahlanu, baya entabeni yaseSeyiri bekhokhelwa ngoPelatiya loNeyariya loRefaya loUziyeli amadodana kaIshi;

⁴³ babulala wonke amaAmaleki ayesasele; bahlala khona kuze kube lamhla.