1 ImiLando 3 - iBhayibhili Elingcwele 1978

Amadodana kaDavida

¹ Nanka amadodana kaDavida azalelwa eHebroni; eyokuqala yaba nguAmnoni kuAhinowama waseJezereli; eyesibili yaba nguDaniyeli kuAbigayili waseKarmeli;

² eyesithathu yaba nguAbisalomu indodana kaMahaka indodakazi kaTalimayi, inkosi yaseGeshuri; eyesine yaba nguAdonija indodana kaHagithi;

³ eyesihlanu yaba nguShefathiya kuAbithali; eyesithupha yaba nguIthereyamu kuEgila, umkakhe.

⁴ Labo abayisithupha bazalelwa eHebroni lapho uDavida abusa khona iminyaka eyisikhombisa lezinyanga eziyisithupha. EJerusalema wabusa iminyaka engamatshumi amathathu lantathu.

⁵ Nanka amadodana akhe azalelwa eJerusalema; oShimeya loShobabi loNathani loSolomoni, bobane abazalwa nguBathishuwa indodakazi kaAmiyeli;

⁶ loIbihari loElishama loElifelethi

⁷ loNoga loNefegi loJafiya

⁸ loElishama loEliyada loElifelethi, beyisificamunwemunye.

⁹ Bonke laba babengamadodana kaDavida ngaphandle kwamadodana abanye abafazi bakhe; udadewabo wawo wayenguTamari.

Inzalo kaSolomoni

¹⁰ Indodana kaSolomoni yayinguRehobowamu, uyise kaAbija, uyise kaAsa, uyise kaJehoshafati,

¹¹ uyise kaJoramu, uyise kaAhaziya, uyise kaJowashi,

¹² uyise kaAmaziya, uyise kaAzariya, uyise kaJothamu,

¹³ uyise kaAhazi, uyise kaHezekiya, uyise kaManase,

¹⁴ uyise kaAmoni, uyise kaJosiya.

¹⁵ Amadodana kaJosiya ayengoJohanani eyokuqala, eyesibili inguJehoyakimi, eyesithathu nguZedekiya, eyesine nguShaluma.

¹⁶ Amadodana kaJehoyakimi ayengoJekoniya loZedekiya.

¹⁷ Amadodana kaJekoniya owathunjwayo ayengoSheyalitiyeli

¹⁸ loMalikiramu loPedaya loShenazari loJekamiya loHoshama loNedabiya.

¹⁹ Amadodana kaPedaya ayengoZerubabeli loShimeyi. Amadodana kaZerubabeli ayengoMeshulamu loHananiya, udadewabo enguShelomithi;

²⁰ kwakukhona lamanye amahlanu, oHashuba loOheli loBerekiya loHasadiya loJushabi‐Hesedi, emahlanu.

²¹ Amadodana kaHananiya ayengoPelatiya loJeshaya; indodana kaJeshaya inguRefaya, indodana yakhe inguArinani, indodana yakhe inguObadiya, indodana yakhe inguShekaniya.

²² Amadodana kaShekaniya, ayengoShemaya loHathushi loIgali loBariya loNeyariya loShafati, beyisithupha.

²³ Amadodana kaNeyariya ayengoEliyohenayi loHizikiya loAzirikamu, bebathathu.

²⁴ Amadodana kaEliyohenayi ayengoHodaviya loEliyashibi loPelaya loAkubi loJohanani loDelaya loAnani, beyisikhombisa.