1 ImiLando 2 - iBhayibhili Elingcwele 1978

Amadodana kaIsrayeli

¹ Nanka amadodana kaIsrayeli; oRubeni loSimeyoni loLevi loJuda loIsakari loZebuluni

² loDani loJosefa loBenjamini loNafitali loGadi loAsheri.

Inzalo kaJuda

³ Amadodana kaJuda ayengoEri loOnani loShela; la amathathu azalwa nguBathishuwa umKanani. UEri izibulo likaJuda wayithukuthelisa iNkosi uNkulunkulu, yambulala.

⁴ Umalokozana kaJuda uTamari, wamzalela uPerezi loZera; uJuda wayelamadodana amahlanu esewonke.

⁵ Amadodana kaPerezi ayengoHezironi loHamuli.

⁶ Amadodana kaZera ayengoZimri loEthani loHemani loKalikoli loDara, emahlanu esewonke.

⁷ Indodana kaKarimi yayinguAkari owaletha inhlupheko koIsrayeli ngesono sakhe esimayelana lalokho okwanikelwa ukubhujiswa.

⁸ Indodana kaEthani yayinguAzariya.

⁹ Amadodana kaHezironi ayengoJerameli loRamu loKalebi.

¹⁰ URamu wazala uAminadaba, loAminadaba wazala uNahishoni induna koJuda.

¹¹ UNahishoni wazala uSalima, uSalima wazala uBowasi,

¹² uBowasi wazala uObedi, uObedi wazala uJese.

¹³ UEliyabi wayeyindodana yokuqala kaJese, elandelwa nguAbinadaba loShimeya

¹⁴ loNethaneli loRadayi

¹⁵ loOzema loDavida;

¹⁶ odadewabo babengoZeruya loAbigayili. Amadodana kaZeruya ayengoAbishayi loJowabi loAsaheli, bebathathu.

¹⁷ UAbigayili wazala uAmasa, uyise enguJetheri wakoIshmayeli.

¹⁸ UKalebi indodana kaHezironi wazala uJeriyothi kuAzuba umkakhe; nanka amadodana kaAzuba, oJesheri loShobabi loAridoni.

¹⁹ Emva kokufa kukaAzuba uKalebi wathatha uEfrathi owamzalela uHuri.

²⁰ UHuri wazala uUri, uUri wazala uBezaleli.

²¹ Emva kwesikhathi uHezironi wathatha indodakazi kaMakiri uyise kaGileyadi eseleminyaka engamatshumi ayisithupha. Yona yamzalela uSegubi.

²² USegubi wayenguyise kaJayiri owayelemizi engamatshumi amabili lantathu elizweni laseGileyadi.

²³ AbaseGeshuri lamaAramu bathatha kuyo iHavothiJayiri, leKenathi lemizana yalo; kwaba yimizi engamatshumi ayisithupha. Bonke labo babengabantwana bakaMakiri uyise kaGileyadi.

²⁴ Emva kokufa kukaHezironi uKalebi wangena uEfratha umkaHezironi uyise; wamzalela uAshuri owakha umuzi waseTekowa.

²⁵ Amadodana kaJerameli izibulo likaHezironi ayengoRamu, izibulo lakhe, loBuna loOreni loOzema loAhija.

²⁶ UJerameli wayelomunye umfazi obizo lakhe nguAtara, unina kaOnama.

²⁷ Amadodana kaRamu indodana yokuqala kaJerameli ayengoMahazi loJamini loEkeri.

²⁸ Amadodana kaOnama ayengoShamayi loJada. Amadodana kaShamayi ayengoNadabi loAbishuri.

²⁹ Ibizo lomkaAbishuri lalinguAbihayili owamzalela oAhibani loMolidi.

³⁰ Amadodana kaNadabi ayengoSeledi loEfrayimi; uSeledi wafa engelamntwana.

³¹ Indodana kaEfrayimi yayinguIshi, indodana kaIshi inguSheshani, indodana kaSheshani inguAhilayi.

³² Amadodana kaJada umfowabo kaShamayi ayengoJetheri loJonathani; uJetheri wafa engelamntwana.

³³ Amadodana kaJonathani ayengoPelethi loZaza. Labo babengabantwana bakaJerameli.

³⁴ USheshani wayengelamadodana, kuphela indodakazi; kodwa wayelesigqili esingumGibithe, ibizo laso linguJariha.

³⁵ USheshani wendisela indodakazi yakhe uJariha isigqili sakhe; yona yamzalela uAthayi.

³⁶ UAthiya wazala uNathani, uNathani wazala uZabadi.

³⁷ UZabadi wazala uEfilali, uEfilali wazala Obedi,

³⁸ uObedi wazala uJehu, uJehu wazala uAzariya,

³⁹ uAzariya wazala uHelezi, uHelezi wazala uEleyasa,

⁴⁰ uEleyasa wazala uSisimayi, uSisimayi wazala uShaluma,

⁴¹ uShaluma wazala uJekamiya, uJekamiya wazala uElishama.

⁴² Amadodana kaKalebi umfowabo kaJerameli ayengoMesha, izibulo lakhe, owayenguyise kaZifi, loMaresha uyise kaHebroni.

⁴³ Amadodana kaHebroni ayengoKora loTapuwa loRekemi loShema.

⁴⁴ UShema wazala uRahama owazala uJorikeyamu; uRekemi wazala uShamayi.

⁴⁵ Indodana kaShamayi yayinguMawoni owazala uBeti‐Zuri.

⁴⁶ UEfa omunye umfazi kaKalebi wazala oHarani loMoza loGazezi; uHarani wazala uGazezi.

⁴⁷ Amadodana kaJahidayi ayengoRegema loJothamu loGeshani loPeleti loEfa loShahafi.

⁴⁸ UMahaka omunye umfazi kaKalebi wazala oSheberi loTirihana;

⁴⁹ wazala loShahafi uyise kaMadimana, loSheva uyise kaMakibena loGibeya. UKalebi wayelendodakazi, ibizo layo linguAkisa.

⁵⁰ Labo babengabantwana bakaKalebi. Amadodana kaHuri izibulo likaEfratha ayengoShobali, uyise kaKiriyathi‐Jeyarimi;

⁵¹ loSalima uyise kaBetlehema; loHarefi uyise kaBeti‐Gaderi.

⁵² UShobali uyise kaKiriyathi‐Jeyarimi wayenguyise kaHarowe, lokhokho wengxenye yamaManahethi.

⁵³ Abavela kuKiriyathi‐Jeyarimi babengamaIthira lamaPuti lamaShumathi lamaMishrayi; kwavela kulawo amaZorathi lamaEshitawoli.

⁵⁴ Amadodana kaSalima ayengoBetlehema lamaNetofa loAtarothi loBeti‐Jowabi lengxenye yamaManahethi lamaZori;

⁵⁵ kanye lamaSofiri ayehlala eJabezi, amaTirathi lamaShimeyathi lamaSukathi. Labo babengamaKeni bedabuka kuHamathi ukhokho wamaRekabi.