Bìoball air-loidhne

Tsitè 1 - Bible Dzùùngoo Unicode

Pol'lè faagoò, à sɛbɛɛn kaɔ mòò riì rè, ko dzwɛɛ̀

¹ Mun Polì, Ŋaablà re jòn kpir'là ko Yesù Kirisà rè kɛɛradzian, Ŋaablà mun kaɔ, mun y'à jaara moo rèè wɔ ɲɛynaà tsɛ, tà ko yè sààbeen tɔ̀ è kòrò Ŋaablà jɔun shiɲaanbeè ka.

² Tà tsuru Ŋaablà riì na doò dèe waa, tɔ jaamabe dziù dòbɛy riì làyiri seòn fɔ dziɲan na ɲɛn ŋe, yè bà ni e si xɔbe tɔ̀ tsɛ.

³ Tà doùn è kòrò à waatsi wuu ka, è re goomaa kpàdèu waajibia baraka ɲan, à tɔ̀ niì kɛ̀ɛ̀yfau mun mà, è kòrò à re dèumaà ka, wò riì mùn Tsibaa Ŋaablà.

⁴ Nèe mun ne sɛbɛn è sìn wo Tsitè rà, wo rìi mun dzin kpiri taki takì ɲɛynaà baraka ɲan, mùn dzyèeŋnà tɔ̀ niì mà. Arì she, Ŋaablà ɲanwùɔ, ko jaanciàn, Fà Ŋaablà ko mùn Tsibaa Yesù Kirisà yè twɛy sìn a ra.

Polì ci Tsitè yè faagoo rìi fa Kɛrɛtsì

⁵ Mun wo tou Kɛrɛtsì gàne rɔ̀n, gè riì ni à to goo nìì reè too màbyɛ̀nàma mɔn, w'e twɛy sɔ̀n byɛ̀ùn'n kuru wube, w'e bɔɔ ì tsùù tsùù be wɔ̀ɔ̀ soo soo sapɛ doùn ɲɛynamoo kur'lèè jɔun, a ci mun y'à dèu wo ra nìi tsuru.

⁶ Twɛy bɔɔ rèè wù yè bà mòdzin ì, jààma na ni nìì reè rà waa, è tààn dzìn sòòtsi ì, è dzin nèè ɲɛynamoo ì, jààma na ni è ra kɛ̀kɛ̀ɛ̀y goo kajaa tsɛ, è to na mòdzin mabaunma ì waa.

⁷ Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

⁸ Ŋà è bà mòdzin, nìi tɔnɔnladɔnbaa, goowùɔ dzi à ra, à akiritsi, à tereòn, à fɛnɛ, è bà dziɔ̀ e yɛr'la.

⁹ È bà e shiɔ̀ Ŋaablà re goomaa nà mòò ɲɛɛn tɔ̀ niì nà, a ci à kàraun à ra nìi tsuru, è bà ni dzi mòdzian kàràn kàràn takia ka è màxɔ̀n, è sɔ̀swɛ̀y fa reè dzuun bo.

Polì ci Kɛrɛtsika reè ni nìi tsuru

¹⁰ Àwà mòò giri ni, è sapɛ mòdzin mabaunma ì, gooma dɔntsɔ̀bɛy reè ko mòdzìn sànfìrì goòmà rèè rìì ni è dzu. À fàan sapɛ Dzyèèsìbee mòdzin bauma ɲɛynamoo rèè.

¹¹ Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

¹² È ɲan mòò sɔn, Kɛrɛtsikaa sɔn, tɔ̀ niì è yɛ̀r'la rè kɛɛra, tɔ dziun nèè tsuru ci: «Kɛrɛtsika reè na sààben de jàa, è kparan ɲan ì, yè bà nwɛ̀ynɲan saànmaan ì.»

¹³ Tɔ shɛɛrɛbe, nìi sààben. È ɲɛn tɔ̀ tsɛ, vu xɔù dè è ra, yè bà ni ɲɛyna takia fa.

¹⁴ Ci è mà e shi Dzyèèsìbee mòdzin neè rè sina cee goòmà ì nà waa, è to mà e gban mòdzin maana ì nè sàrìya ì kpɛyn waa, twɛy nìì reè yè e bon wɔɔ sààbeen rà.

¹⁵ Àwà nìì reè fyɛɔ, goo sapɛ fyɛɔ twɛy rè. Ŋà nìì reè nooŋnà è to na ɲɛɔ̀n Ŋaablà ra, goo sɔn pɛn na fyɛɔ twɛy rè waa. È kɛ̀sɛmàà ko è akir'là sa nooŋnà.

¹⁶ È dziàn ci ye Ŋaablà tɔ, tɔ̀ to y'à tàrà è faadziɛ y'à kpàdèe ci è na à tɔ̀ waa. È mòdzin kinin bouma ì, mòdzin mabaunma ì, è na dzia goowùù soo fa.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan