Bìoball air-loidhne

Matsiyù 1 - Bible Dzùùngoo Unicode

Yesù fàùnker'la tsua mòdzin neè
( Lukì 3.23-38 )

¹ Ŋaablà Jaara Moo Yesù Kirisà bou tsu niì ɲàn, twɛy mòdzin neè rìì siin nèe: À bou Dawudà tsua ɲàn, Dawudà yè bo Ibraximà tsua ɲàn.

² Ibraximà, tɔ Ishakà kereu, Ishakà yè Yàkubà kere. Yàkubà, tɔ̀ yeè Yudà, ko e keresi reè kere.

³ Yudà yè dzin ì kere, ci Pɛrɛtsì ko Zarà, è naà tsoo yè bà ci Tamarì. Pɛrɛtsì yè Esiromùn kere. Esiromùn yè Aramùn kere.

⁴ Aramùn yè Aminadabù kere. Aminadabù yè Nàasùn kere. Nàasùn yè Salimɔ̀n kere.

⁵ Salimɔ̀n yè Bùwazhì kere. Bùwazhì raa naà na Àràxabù. Bùwazhì yè Obɛdzì kere. Obɛdzì raa naà na Ùrutsì. Obɛdzì yè Yesè kere.

⁶ Yesè yè màsa kpiri Dawudà kere. Dawudà yè Sɔ̀ɔ̀mɛyn kere, è bo Uri re tààn ɲàn.

⁷ Sɔ̀ɔ̀mɛyn yè Òrobùwamùn kere. Òrobùwamùn yè Abiyà kere. Abiyà yè Asà kere.

⁸ Asà yè Yosafatsì kere. Yosafatsì yè Yòramùn kere. Yòramùn yè Ozhiyasì kere.

⁹ Ozhiyasì yè Yoyatamùn kere. Yoyatamùn yè Akazhì kere. Akazhì yè Ezekiyasì kere.

¹⁰ Ezekiyasì yè Manasè kere. Manasè yè Amɔ̀n kere. Amɔ̀n yè Yosiyasì kere.

¹¹ Yosiyasì yè Yekoniyasì, ko e keresi reè kere. Dzyèèsìbee mòdzin neè kuun tɔ̀ waatsi rɔn nì, yè bè è ka Babilɔnin jamaan nɔn.

¹² È kun bèumaà nì shɔ̀ùn Babilɔnìn, Yekoniyasì yè Shelatsiyɛlì kere. Shelatsiyɛlì yè Zorobabɛlì kere.

¹³ Zorobabɛlì yè Abiyudzì kere. Abiyudzì yè Eliyakimùn kere. Eliyakimùn yè Azɔrì kere.

¹⁴ Azɔrì yè Sadɔkì kere. Sadɔkì yè Akimùn kere. Akimùn yè Eliyudzì kere.

¹⁵ Eliyudzì yè Eleyazarì kere. Eleyazarì yè Matàn kere. Matàn yè Yàkubà kere.

¹⁶ Yàkubà yè Yusufù kere. Yusufù na Mariyamùn nè kpiri, Yesù ker'la naa. Yesù rìi kir'là sa, Ŋaablà Jaara Modzìàn.

¹⁷ Àyìwà, è sen Ibraximà nà, è nà fɔ Dawudà rà, jàmàkuru teeŋ naàlen nì dɔ̀un twɛy fi. È sen Dawudà rà è bè suu fɔ Dzyèèsìbee mòdzin neè kun waatsia dzu yè bè Babilɔnìn, tɔ̀ sa jàmàkuru teeŋ naàlen. È sen Dzyèèsìbee mòdzin neè kun waatsia rà yè bè Babilɔnìn, è nà suu fɔ Ŋaablà Jaara Modzìàn nà, tɔ̀ sa jàmàkuru teeŋ naàlen.

Yesù ker'là kùnàgoo
( Lukì 2.1-20 )

¹⁸ Àyìwà, Ŋaablà Jaara moo Yesù kereu kereu'n kur'liì rà, tɔ̀ rii siin: Àwà, à na Mariyamùn, tɔ̀ na Yusufù rè màkùn taan. Ŋà, Mariyamùn yè don sen Ŋaablà re Dzi Fɛnɛɛ baraka rɔ̀n, tɔ̀ y'a tàrà à ko Yusufù na tsùɔ̀ fa esire ŋe waa.

¹⁹ Yusufù mòdzin wuu nìi fa, à y'à ji e duùn, ci wo nà à goò dzii bà sàn dzuun, sànko Mariyamùn cèu mà bo waa.

²⁰ À ni tɔ̀ goò kɛ̀sɛɛ̀ rà, Tsìfaà rè mɛ̀rɛ̀kɛ sɔn yeè e yɛrɛ kpadè à ra sìràn ɲàn, è dzin à ra ci: «Dawudà tsua dzin Yusufù, maà shi e Mariyamùn bà a re tààn waa. Don nìi yɛ à ɲan, à tɔ̀ seòn Ŋaablà re Dzi Fɛnɛɛ baraka rɔ̀n nì.

²¹ À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

²² Àwà, tɔ̀ sapɛ fau, sànko Tsìfaà na nìi deò è bo à re kɛɛraa dzu, tɔ̀ goò yè bo e shi tsɛ, nìi yɛ ci:

²³ «Cangur'liì na kpiri goo tɔ waa, tɔ nà don sen, è dzin kpiri kere, è kiri ci Emanuyɛlì.» Tɔ̀ dzuɔn yɛ: Ŋaabla ni mùn ka.

²⁴ Yusufù nàu kpunan, Tsìfaà rè mɛ̀rɛ̀kɛɛ̀ nìi dèu à ra, è tɔ̀ shi jiì. È Mariyamùn sen e re tààn.

²⁵ Ŋà è bè suu fɔ Mariyamùn ker'là dzu dzin kpiri, Yusufù na dzyeè jà à ka waa. Yusufù yè dziɛ̀n tsoo wɔ ci Yesù.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan