Tơdrông Pơđơk 18 - Sơ̆p Hlabơar Nơ̆r 'Bok Kei-Dei

¹ Bu arih hơdrô̆ kuă kơ hơdai bơngai noh chơchă kiơ̆ kơdih wă, Kuă kơ chu kiơ̆ tơdrong tơchĕng trŏ.

² Bơngai kơtul ưh kơ wă ôh tơdrong hlôh wao; Mă-lei 'maih roi tơdrong kơdih akâu tơchĕng đĕch.

³ Mưh đe pơm kơnê̆, đei pơjăm hloi; Mưh đei tơdrong mơlâu, kư̆m đei hlơ̆l lĕm hloi.

⁴ Nơ̆r pơma đơ̆ng minh 'nu bơngai thoi đak jrŭ; Tu tơdrong gơh hơgei, thoi đak glung oei ro.

⁵ Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

⁶ 'Bơ̆r lu bơngai kơwao ba tơdrong pơjah; 'Bơ̆r pơma pơgreh chă đe teh sư kơdih.

⁷ 'Bơ̆r bơngai kơwao pơma pơrăm tơ'ngla kơdih; Thoi hơđong hơ'năk kơ bơhngol kơdih akâu.

⁸ Nơ̆r đe roi hơlĕnh sơlam thoi tơmam sa 'ngam; Păng mơ̆t truh tơ klơm klak.

⁹ Lu bơngai hơlah noh; Thoi 'nhŏng oh lu bơngai pơrăm.

¹⁰ Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

¹¹ Mŭk tơmam bơngai mơdrŏng, jing pơlei tih kơjăp kơdih akâu sư. Sư khan thoi dur kơjung kơjăp pĕng tăp kơ sư.

¹² Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

¹³ Bu tơl adrol kơ kơtơ̆ng. Noh mơlâu kơdih akâu kơwao tơpă.

¹⁴ Jơhngơ̆m hơđơ̆ng kĕ chơ̆n đơ̆ng jĭ jăn; Mă-lei tơdah đei hiong tơdrong hơmĕng liơ kĕ chơ̆n.

¹⁵ Jơhngơ̆m bơngai hơgei đei iŏk đon hlôh wao; Đon bơngai hơgei oei chă tơdrong băt hlôh.

¹⁶ Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

¹⁷ Mơ̆ng bơngai adrol pơma rŏ kơ trŏ; Phŏ truh đei apinh na gơh nhen.

¹⁸ Hlang lăng gơh pơtôch tơdrong pơjah. Plah 'bar pah pran huay pă pơjah.

¹⁹ Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

²⁰ Nơ̆r 'bơ̆r bơ̆n pơma ba kơ klak phĭ. Đơ̆ng 'bơ̆r pơma gô pơyua kơ bơ̆n phĭ mah.

²¹ Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.

²² Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

²³ Bơngai dơnuh apinh tơdrong mơnat; Lu bơngai mơdrŏng hơrăk tơnat tơl tơwih.

²⁴ Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.