Jop 25 - Sơ̆p Hlabơar Nơ̆r 'Bok Kei-Dei

Kră Yang 'Bok Kei-Dei Mơsêh Mơyang pran kơtang

¹ Bildat, bơngai Sua, tơl khan:

² Kră Yang chĕp tơdrong pơgơ̆r păng trŏ kơ hli yom: Kră Yang pơjing tơdrong rơngei hiôk-hian tơ kơpal plĕnh ti.

³ Khŭl linh Sư hăm đei bu kĕ jô̆? Tơdrong hơdah Sư hăm đei bu mă Sư ưh kơ đei pơchrang?

⁴ Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

⁵ Tơdah, mă măt khei kư̆m ưh kơ gan hơdah, Lu sơnglŏng kư̆m ưh kơ đei 'lơ̆ng rơgoh mơ̆n 'bơ̆t anăp Sư:

⁶ Pơma kiơ kơ kon bơngai nhen thoi kơnu hơdrông, Păng kon sâu kon bơngai jơ̆ kơnu hơdrông.